Baza Теlegram канали манбаларига кўра, бундай буйруқ қатор ҳуқуқ-тартибот идоралари ходимлари, шунингдек, президент маъмурияти ва Россия ҳукумати ходимларига келган. Бундан ташқари, бундай кўрсатма Россия Мудофаа вазирлигининг юқори мартабали қўмондонлари, шунингдек, айрим йирик тадбиркорларга берилган.
Шу билан бирга, Baza'га интервью берган расмийларнинг айримлари ёзишмаларни ўчириш бўйича кўрсатма олмаганликларини айтишди. Бироқ, улар ўзларининг раҳбарларидан бундай кўрсатмаларни келаётган душанба-сешанба кунлари олишлари мумкинлигини билдиришди.