Россия Меҳнат вазирлиги чет эллик ишчиларни ёллаш учун квотани 1,5 баробарга оширишни таклиф қилди

2025 йилда виза билан келувчи малакали хорижий ишчиларни жалб қилиш квотаси 234,9 минг кишини ташкил этади, бу 2024 йилга (155,9 минг) нисбатан 50 фоизга кўпдир.

Ўсиш ҳудудларда кадрлар етишмаслиги ва четдан олиб келинган техникага техник хизмат кўрсатиш билан боғлиқ.
Чет эллик мутахассислар йирик лойиҳалар устида ишлайди, деб хабар берди РБK

Энг катта эҳтиёж йирик саноат корхоналарида (74 минг квота) ва қурилиш ишларида (43 минг квота) ишчиларга кутилмоқда. Мутахассислар асосан Осиё, Африка ва Европадан жалб этилади.

hh.ru эксперти Наталя Данинанинг таъкидлашича, квоталар кадрлар этишмаслигини қисман қоплаши мумкин. Бироқ, маълумотларга кўра, квоталарнинг атиги 60 фоизи амалга оширилган, чунки уларнинг маъқулланиши визалар автоматик равишда берилишини кафолатламайди.