Россия медиа делегацияси Ислом цивилизацияси марказини жаҳон даражасидаги ноёб музей дея эътироф этди

III Ўзбекистон–Россия медиафоруми иштирокчилари Тошкентдаги Ислом цивилизацияси марказига ташриф буюрди.

Россия Федерацияси Президенти Администрациясининг стратегик шериклик ва ҳамкорлик бошқармаси бошлиғи Вадим Титов марказ ҳақида шундай деди:

“Бу ҳақиқатан ҳам ноёб музей, фан ва маданиятнинг бетакрор масканидир. Марказ дунёнинг турли нуқталаридан келаётган инсонларни ўзига жалб этадиган жойга айланмоқда. Ўзбекистоннинг илм-фан, санъат ва маданият соҳаларидаги бой мероси жаҳон цивилизацияси хазинасини янада бойитади”.