Москва Франция президенти Эммануэль Макроннинг АҚШнинг Украина можароси бўйича позицияси ҳақидаги баёнотларини тасдиқловчи ҳеч қандай расмий маълумот олмаганини билдирди. Бу ҳақда Россия президенти матбуот котиби Дмитрий Песков маълум қилди.
Песковнинг сўзларига кўра, ҳозирча Вашингтон томонидан Макроннинг фикрларини тасдиқлайдиган ҳеч қандай расмий баёнот янграмаган.
«Президент Макроннинг баёнотларига баҳо бериш қийин. Менимча, президент Макрон ҳеч қандай тарзда ўзини Вашингтоннинг адвокати ёки матбуот котиби сифатида кўрсата олмайди. Аммо биз ҳозирча АҚШдан буни тасдиқловчи бирон бир баёнот эшитмадик», — деди Дмитрий Песков брифингда.
Песковнинг қўшимча қилишича, АҚШ бошиданоқ «мутлақ бетараф» мавқеда бўлмаган, чунки у Украинага қурол етказиб бермоқда. Шу билан бирга, у Россия томони Вашингтоннинг тинчлик жараёни ва музокараларни илгари суришга қаратилган саъй-ҳаракатларини юқори баҳолаётганини таъкидлади.
25 июнь куни Эммануэль Макрон АҚШ биринчи марта Украина можаросида воситачи эмас, балки Украинанинг бевосита ҳамкори сифатида ўзини тан олган ҳужжатни маъқуллаганини маълум қилди.
Унинг таъкидлашича, «Катта еттилик» саммитида имзоланган ҳужжатлар америкаликлар ва европаликлар ўртасидаги янгиланган яқинлашувни англатади.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Ҳиндистон ТИВ Россия дипломатини чақиртирди
