Россия Мудофаа вазирлиги пайшанба куни Украинанинг навбатдаги ҳужумини Курскда, яъни қисман Украина назорати остида бўлган Россиянинг жануби-ғарбий минтақасида қайтарганини маълум қилди.
Жанг майдонидаги бу даъвони мустақил равишда текширишнинг иложи йўқ ва Киев томонидан дарҳол изоҳ берилмади, бироқ Россиянинг бу хабарлари Украинанинг август ойидаги кутилмаган чегарадан ўтиб ҳужум қилишидан роппа-роса олти ой ўтгач пайдо бўлди.
Дастлаб улар 1000 квадрат километрдан ортиқ ҳудудни эгаллаган бўлса-да, кейинчалик Россиянинг қарши ҳужумлари натижасида бу ерларнинг ярмидан кўпи қайтариб олинди.
"Эртага Курск операцияси бошланганига олти ой тўлади - бу бизнинг курашимиз учун ҳал қилувчи қадам бўлди," деди президент Зеленский чоршанба куни кечқурун, бостириб кириш 60 мингдан ортиқ рус аскарини банд қилиб қўйганини таъкидлаб.
"Уруш дипломатик ечимга яқинлашган пайтда, бу операциянинг қанчалик муҳим эканлигини кўрасиз," деди у. "Уларнинг кучлари худди магнитдек жойида қотиб қолган."
Украина генераллари Курскдаги ҳудудий ютуқларни, гарчи улар кичик бўлса-да, Россия билан бўлажак тинчлик музокараларида ўзларига фойда келтирадиган восита сифатида кўраётгани тахмин қилинмоқда.
Геологлар улкан олтин захирасини топиб олди
Немислар кўп нарсаларни тўғри қилган
Урушдаги Шимолий кореялик аскарнинг қўлга олиниш тасвири эълон қилинди
