Россия Киев вилоятига дронлар ёрдамида ҳужум қилди

30 ноябрь, шанбадан якшанбага ўтар кечаси Россия Киев вилоятига дронлар ёрдамида ҳужум қилди, натижада бир киши ҳалок бўлди, олти киши жароҳатланди.

Бу ҳақда Киев вилояти полиция бошқармаси бошлиғи Николай Калашник маълум қилди.

Унга кўра, ҳужум ортидан Вишгороддаги кўп қаватли уйда ёнғин чиққани аниқланган. Воқеа жойида қутқарувчилар, полиция ва шифокорлар ишламоқда.

"Киев вилоятида душманнинг учувчисиз учоқларининг навбатдаги ҳужуми. Одамларнинг уйларига зарба берилди. Хусусий уй ҳам вайрон бўлди, саноат объектида ёнғин содир бўлди. Батафсилроқ маълумот кейинроқ маълум бўлади. Ҳаво ҳужуми ҳақида огоҳлантириш ҳали ҳам амалда”, - дея таъкидлади Калашник.

Қутқарувчилар маълумотларига кўра, ҳужум оқибатида бир киши ҳалок бўлган, олти киши жароҳатланган. Хусусий уйлар ҳам ёниб, вайрон бўлгани, тўхтаб турган машиналарга зарар етгани хабар қилинган. Шаҳардаги саноат объектларидан бирида ёнғинни ўчириш ишлари давом этмоқда.