“Ҳамма нарса йўқ қилинсин” — Трамп баёнотидан сўнг Венесуэла устида парвозлар тақиқланди

АҚШ президенти Дональд Трамп Венесуэла устидаги ҳаво ҳудудини ёпилганини эълон қилди.

У Truth Social ижтимоий тармоғида: "Барча авиакомпаниялар, учувчилар, гиёҳванд моддалар ва одам савдоси билан шуғулланувчилар эътиборга олинг: Венесуэла устидаги ва унинг атрофидаги ҳаво ҳудуди тўлиқ ёпилган", деб ёзди.

Бундан олдин The Washington Post газетаси Пентагон раҳбари Пит Хегсет АҚШ Венесуэла қирғоқлари яқинидаги "гиёҳванд моддалар савдогарлари" бўлган кемаларга зарба бераётганда "ҳамма нарсани йўқ қилиш" буйруғини берганини хабар қилган эди.