Россия жорий йилнинг июнь ойида Испанияга энг йирик газ етказиб берувчига айланди.
Бу ҳақда Enagas энергетика компаниясига таяниб, “РИА Новости” хабар бермоқда.
Ҳисоботга кўра, июнь ойида Россия Испанияга 7673 гигаватт-соат (ГВт/соат) суюлтирилган газ етказиб берган. Таъминотнинг бу миқдори мамлакатдаги умумий харидларнинг деярли 27 фоизини ташкил қилади.
Испания компанияси маълумотларига кўра, жами 2023 йилнинг январидан июнигача Испания Россиядан 41 145 ГВт/соат суюлтирилган газ сотиб олган.
Энг йирик етказиб берувчилар қаторига Жазоир ва АҚШ ҳам кирди.
