АҚШ президенти Дональд Трамп ва Илон Маск ўртасидаги зиддият АҚШда рақамли иқтисодиётни бошқаришдаги чуқур инқирознинг кўрсаткичидир. Бу ҳақда Россия Давлат думасининг ахборот сиёсати қўмитаси аъзоси Антон Немкин айтиб ўтди.
Аввалроқ Маск АҚШ президенти Дональд Трампнинг субсидияларни бекор қилиш ҳақидаги сўзларидан сўнг SpaceX дарҳол Dragon космик кемасини фойдаланишдан чиқаришни бошлашини, шундан сўнг америкалик миллиардер Трампга импичмент эълон қилиш ғоясини омма олдида қўллаб-қувватлаганини айтганди. Кейинроқ тадбиркор фикридан қайтди ва бу ишни қилмаслигини айтди.
"Трамп ва Маск ўртасидаги можаро энди шунчаки шахсий жанжал эмас: бу АҚШда рақамли иқтисодиётни бошқаришдаги чуқур инқироз кўрсаткичидир", — деб ёзди у "Телеграм"даги каналида.
Депутатнинг фикрича, Трамп бизнес ва технологиялар назоратдан чиқиб кетса, уларга қарши таҳдидлар қўллашга тайёр, Маск эса ўз навбатида инновациялар эркинлигини орзу қилади, лекин бировнинг қоидалари билан сиёсий ўйинларга тайёр эмас.
"Tesla акциялари 15 фоизга арзонлашди. SpaceX лойиҳаларни тўхтатиш билан таҳдид қилмоқда. Оқ уй ваҳима қўзғатиб, "келишув учун телефон суҳбати" тайёрламоқда. Аммо обрў ва институционал оқибатлар аллақачон қайтариб бўлмас даражага келди", - дея таъкидлади парламент аъзоси.
Немкин АҚШда ҳукумат ва бизнес ўртасида сиёсий вертикалга мос келмаса, "кўприклар қулаб тушиши"га эътибор қаратди.
"Х"да битта репост - биржадан миллиардлаб доллар буғланади. "Truth Social"да битта пост - давлат ва хусусий сектор ўртасидаги шартномалар бузилади. Мана, АҚШ сиёсати амалда", - дея хулоса қилди Парламент аъзоси.
Даҳшат! Вафот этган 88 ёшли аёл тобутда ҳушига келди
БАА бош мураббийи мухлисларга мурожаат билан чиқди
Ҳиндистон чўкиб кетмоқда - ярим миллиондан ортиқ қурбонлар
