Росфинмониторинг совет синов учувчиси Валерий Чкаловнинг набираси Даря Богдановани "Россиядаги террорчилар ва экстремистлар" рўйхатига киритди. Бу идора сайтида келтирилган маълумотлардан келиб чиқади.
Апрель ойида Россияда Богдановага нисбатан терроризмга даъват қилиш бўйича жиноий иш қўзғатилган эди. Бунга Богданованинг ижтимоий тармоқлардаги Россия армияси ҳақида салбий фикр билдирган постлари сабаб бўлди.
Ҳуқуқ-тартибот идоралари, шунингдек, унинг Украина каналига берган интервьюсида москваликлар ва ҳаво тревогаси ҳақида гапираётганига эътибор қаратди. Кейинчалик қиз қидирувга берилган. Июль ойида Россия Федерацияси Адлия вазирлиги Богдановани хорижий агентлар рўйхатига киритди.
Даря Богданова Украина учун Freedom Birds ҳаракатининг фаолларидан бири бўлиб, у Украина Қуролли кучлари учун дронлар ва бошқа нарсаларни сотиб олиш учун маблағ йиғиш билан шуғулланади. Ташкилот сайтида айтилишича, Богданова Белгиянинг Левен шаҳрида яшайди. У Россия Федерацияси Украинага бостириб кирганидан кейин Россия ҳукуматини бир неча бор танқид қилган.
Президентдан “дух” олган Омонбоевага суд ҳукми ўқилди
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
