Кремль матбуот котиби Дмитрий Песков Россия-АҚШ муносабатлари тарихий пасайишда эканини айтиб, томонлар яқин келажакда муносабатларни босқичма-босқич яхшилаши мумкин деган фикрни рад этди.
«Россия 1» миллий телерадиокомпаниясига берган интервьюсида юқори лавозимли расмий Вашингтон бир неча ўн йиллар давомида доимий равишда Москва манфаатларини оёқ ости қилиб, босим ўтказиб келаётганини таъкидлади.
Песковнинг таъкидлашича, икки давлат ўртасидаги алоқалар Жо Байден президентлиги даврида «ажралиш нуқтасига» етган ва АҚШ маъмурияти Украинани қўллаб-қувватлаш орқали Россияга нисбатан очиқ душманлик позициясини намойиш қилаётганини таъкидлаган.
«Жаноб [Жо] Байден президентлигининг ўрталарида бу жараёнларнинг барчаси авжига чиқди […] Икки томонлама муносабатлар, эҳтимол, ўзининг тарихий энг паст нуқтасида, яхшиланиш траэкториясига кириш истиқболи йўқ», деди у.
«АҚШ, кўплаб тескари баёнотларга қарамай, Украина можаросида бевосита иштирок этмоқда», - дея хулоса қилди Песков.
Россия ва АҚШ ўртасидаги икки томонлама алоқалар 2022 йилда Вашингтон ва унинг иттифоқчилари Украина можаросининг кескинлашуви ортидан Москвага иқтисодий санкциялар тўлқини билан ҳужум қилгандан сўнг кескинлашди. Қолаверса, Оқ уй Киевга йирик иқтисодий ва ҳарбий ёрдам кўрсатиб, Вашингтонни можарода бевосита роль ўйнаганликда айблаган россиялик расмийларни қоралаб келмоқда.
