Россия аэропортларида икки кун ичида икки мингдан ортиқ авиарейс бекор қилинди

Бу ҳақда Росавиация маълум қилди.

Маълумотларга кўра, 5 июл тонгидан 7 июл тонгигача Россияда 485 та рейс бекор қилинган, 1,9 мингта рейс кечиктирилган.

Шереметево ва Пулково аэропортларида рейларнинг кечиктирилиши ва бекор қилиниши шанба тонгида бошланган эди. Аэропортларнинг фаолияти украин дронлари ҳужумлари хавфи туфайли чекланганди. Бундан ташқари, Россавиациянинг маълум қилишича, Шереметево аэропорти ҳудудида кучли шамол кузатилган.

Хавфсизлик мақсадида Москва, Санкт-Петербург ва Нижний Новгород аэропортларида чекловлар жорий этилди, деб хабар берди Росавиация. Россия ҳарбийлари мамлакат ҳудудида 50 га яқин дрон уриб туширилганини маълум қилди.