Россия 2030 йилгача НАТО билан урушга тайёргарлик кўриш учун бюджет ажратмоқда - Буданов

Айнан шунинг учун Кремль раҳбарияти қайта қуролланиш дастурига 1,1 трлн долларга яқин маблағ сарфлашга қарор қилди.

Бу ҳақда Украина Мудофаа вазирлиги Разведка бош бошқармаси бошлиғи Кирилл Буданов "Мосейчук +"га берган интервьюсида маълум қилди.

Унинг бошқа баёнотлари

- Путиннинг ўрнига келадиган одам ҳам ҳеч нарсани ўзгартирмайди - тизим урушга тайёр;

- Россия 1980 йилдан бери энг йирик қайта қуролланиш дастурини режалаштирмоқда;

- Балки биз урушда сунъий интеллектдан оммавий фойдаланишга эришамиз ва бизга одамлар унчалик керак бўлмайди;

- Россининг сценарийларидан бирида Американинг ўзгарувчан сиёсати натижасида НАТО ва Европа Иттифоқи парчаланади;

- Украина учун Беларус ва Грузия вариантлари жамиятни қониқтириши даргумон. Ривожланишни "исроиллаштириш" вариантлари яхшироқ. Биз ҳозирги шароитда қандай яшашимиз ҳақида ўйлашимиз керак.