Кичкина Криштиану Роналду 13 ёшгача бўлган футболчилар орасида Саудия Арабистони чемпиони бўлди.
Роналдунинг катта ўғли "Ал Насср" болалар жамоаси сафида чемпионат якунланишидан учта тур аввал совринни қўлга киритди.
"Уҳуд"га қарши баҳсда (4:1) кичкина Роналду гол муаллифига айланди.
"Кичик юлдузларимизни табриклаймиз! Бизни ёрқин келажак кутмоқда" - дейилади "Ал Насср" ижтимоий тармоқларида.
Ўғлидан фарқли ўлароқ Саудия Арабистони чемпионатида иккинчи мавсумини ўтказаётган Криштиану Роналду ҳозирча миллий чемпионат ғолибига айлангани йўқ.