Криштиану Роналдунинг Португалия миллий жамоасига қайтиши бўйича музокаралар олиб борилмоқда. 41 ёшли ҳужумчи келаси йил яна терма жамоа сафида майдонга тушиши мумкин.
The Touchline португалиялик журналист Мигел Перейрага таяниб хабар беришича, ҳозирда футболчи ва миллий жамоа ўртасида юзага келган вазиятни бартараф этиш бўйича ҳаракатлар бошланган.
Музокараларда Роналдуга яқин шахслар, бош мураббий Жорже Жезушнинг вакиллари ҳамда Португалия футбол федерацияси қатнашмоқда.
Манбага кўра, Роналдунинг терма жамоага қайтиш истагига яна бир омил бор. Ҳужумчи профессионал фаолиятидаги 1000-голини айнан Португалия миллий жамоаси либосида уришни хоҳламоқда.
Роналду сентябрь ойи охирида бош мураббий Жорже Жезуш билан юзага келган келишмовчилик ортидан миллий жамоа қароргоҳини тарк этганди.
Бундан олдин у Норвегияга қарши учрашувни тўлиқ захира ўриндиғида ўтказган. Кейинчалик Жезуш Данияга қарши баҳсда ҳам Роналдуни бошланғич таркибга киритишни режалаштирмаётганини маълум қилган.
Шундан сўнг ҳужумчи терма жамоа қароргоҳини тарк этган, бироқ бу қарорнинг аниқ сабабларини очиқламаган. Роналду вазият ҳақида кейинроқ батафсил гапиришини билдирган эди.
Роналду ва Жезуш можароси аэропортда жанжалга айланди
Португалия терма жамоаси Роналду кетганидан сўнг расмий баёнот берди
Аичи-Нагоя-2026, бокс. Финалга қайси мамлакатдан неча нафар спортчи чиқди?
