Роналду ЖЧ-2026 қайдномасида: Месси ва Маттеусда йўқ бўлган мутлақ рекорд Криштиануга тегишли бўлади

Криштиану Роналду фаолиятидаги олтинчи Жаҳон чемпионатига чақирилди.

«Ан-Наср» клубининг 41 ёшли ҳужумчиси Португалия терма жамоасининг ЖЧ-2026 учун эълон қилинган қайдномасидан жой олди. У аввалроқ 2006, 2010, 2014, 2018 ва 2022 йиллардаги дунё биринчиликларида иштирок этган эди.

Ҳозиргача бирорта ҳам футболчи ушбу мусобақанинг олтита мавсумида қатнашмаган. Роналдудан ташқари Антонио Карбахаль, Рафаэль Маркес, Лотар Маттеус, Андрес Гуардадо ва Лионель Мессилар бешта Жаҳон чемпионатида тўп суришган.