Роналду «Ал-Насср» таркибида майдонга тушишдан бош тортгани айтилмоқда

«Ал-Насср» сардори Криштиану Роналду Саудия Арабистони Премер-лигасининг «Ар-Риёд»га қарши 20-тур учрашувида майдонга тушмайди.

Футболчи ўйин учун таркиб рўйхатига киритилмаган. Ўйин 2 феврал куни бўлиб ўтади. Бундан олдин ОАВ хабарларида Роналду Саудия Арабистони Премер-лигаси ўйинини бойкот қилиши мумкинлиги айтилган эди. Ҳужумчининг қарори Давлат инвестиция жамғармаси томонидан клуб бошқарувидан норозилигидан келиб чиққан.

Манбанинг сўзларига кўра, Роналду жамғармани ўз жамоасига бошқа клубларга, хусусан, «Ал-Ҳилол»га қараганда камроқ эътибор ва ресурслар ажратади, деб ҳисоблайди. Ушбу сиёсатга қарши норозилик сифатида жамоа сардори 2 февралга белгиланган ўйинда майдонга тушишдан бош тортди.

Роналду миллий жамоалар, Европа чемпионатлари ва Чемпионлар Лигаси тарихидаги энг яхши тўпурар ва расмий ўйинларда 900 та гол урган биринчи ўйинчи. Португалиялик футболчи бешта Чемпионлар Лигаси ғолиблигини, 2016 йилги Европа чемпионати ва иккита УЕФА Миллатлар Лигаси чемпионлигини қўлга киритган.