Роналдо: «Криштиану энг яхшиси эмас»

Бразилиялик футбол афсонаси Роналдо Португалия терма жамоаси ҳужумчиси Криштиану Роналду ҳақида фикр билдирди.

Роналдо португалиялик юлдузнинг ўзини барча замонларнинг энг яхши футболчиси деб аташини танқид қилди.

«Мен бундай нарсаларни изоҳлашни ёқтирмайман, лекин баъзи одамлар ўзларига ҳаддан ташқари ишонади, тўғрими? Мен эса одамларнинг мен ҳақимда нима дейишини эшитишни афзал кўраман. Мен ким бўлганим ва нималарга эришганим ҳақида ўзим эмас, балки бошқалар гапирсин.

Криштиану энг яхшиси эмас, лекин у топ-10 таликка кириши мумкин. Мен учун биринчи ўрин шубҳасиз Пелега тегишли. Ундан кейин Месси ва Марадона келади. Кейинги ўринларда Зико, Ромарио, ван Бастен, Зидан, Фигу, Ривалдо, Роналдиньо ва Криштиану бор...

Албатта, кимнидир унутиб қўйган бўлишим мумкин. Ҳар гал бу ҳақда сўрашганда, ҳар хил номлар ёдимга тушади. Неймар? Ҳа, у ҳам юлдуз футболчи ва топ-10 таликка киради", – деди Роналдо ESPN Brasil нашрига берган интервьюсида.