Россиялик тадбиркор Роман Абрамович Британиянинг Жерси ороли ҳукуматига қарши жиноий тил бириктиришда айблов эълон қилиш ҳуқуқига эга бўлди.
Бу ҳақда Reuters агентлигига унинг вакили маълум қилди.
Тадбиркор вакили 2022 йилда Жерси расмийлари томонидан Абрамовичга нисбатан коррупция ва пул ювиш бўйича бошланган жиноий терговни асоссиз деб атади. Уч йилдан бери россияликга нисбатан ҳеч қандай айблов қўйилмаган.
Шу билан бирга, Жерси маъмурлари иш бўйича маълумотларни йўқ қилганини ва тадбиркор вакилларига тергов жараёни ҳақида маълумот беришдан мунтазам равишда бош тортганини тан олди. Ҳозир у жиноий фитна бўйича даъво қўзғатмоқда.
Сентябрь ойида The Guardian Жерси ҳукумати Абрамовични коррупция ва пул ювишда гумон қилаётгани ҳақида хабар берган эди. Орол бош прокурори Швейцария федерал жиноий судидан тадбиркорнинг банк ҳисобларига оид ҳужжатларни сўраган. Терговчилар Абрамовичнинг 1990-2000 йилларда қўлга киритган бойликлари манбаларини аниқлашга ҳаракат қилмоқда.
Тадбиркорнинг вакили бу хабарларни рад этди. “Жаноб Абрамовичнинг жиноий фаолиятга алоқадорлиги ҳақидаги ҳар қандай айбловлар ҳақиқатга тўғри келмайди.
Зеленский "тарихий келишув"ни эълон қилди
Сибирдан Орол денгизига сув йўналтирилиши мумкин
«Бу жамоа билан йўлим тугади» - Исломбек Исмоилов Ўзбекистон U-17 терма жамоасидан кетганини эълон қилди
