Rheinmetall компанияси Украинада зирҳли машиналар ишлаб чиқарувчи завод очади
Завод "Fuchs" зирҳли транспортёрларини ишлаб чиқаради ва таъмирлайди, шунингдек, украиналикларга уларга техник хизмат кўрсатишни ўргатади. Йилига 400 га яқин зирҳли техника ишлаб чиқаришга қодир завод мамлакат ғарбида жойлашади ва яқин 12 ҳафта ичида очилиши керак, деди компания бош директори Армин Паппергер CNN телеканалига берган интервюсида.
Rheinmetall заводни Украинанинг “Укроборонпром” мудофаа давлат консерни билан ҳамкорликда бошқаради. Лойиҳа қиймати 200 миллион еврога баҳоланмоқда.
