8 февраль куни Россия ва Украина асирларни алмаштирдилар.
Бу ҳақда Россия Мудофаа вазирлиги хабар берди.
Ушбу хабарга кўра, алмашув давомида Украина 100 нафар россиялик ҳарбий хизматчини ўтказган, бунинг эвазига Россия армияси Украина Қуролли кучларига 100 нафар ҳарбий хизматчини топширган.
«Россиялик ҳарбий хизматчиларни асирликдан қайтариш чоғида Бирлашган Араб Амирликлари гуманитар воситачилик кўрсатди», — дейилади ҳарбий департамент баёнотида.
