Бу ҳақда DW нашри хабар бермоқда.
Oxfam xайрия ташкилотлари бирлашмасининг йиллик ҳисоботига кўра, 2025 йилда миллиардерларнинг жами бойлиги 2,5 триллион АҚШ долларга ошиб, тарихий — 18,3 триллион долларни ташкил этди. 2020 йил мартидан буён уларнинг умумий бойлиги 81 фоизга кўпайган.
Ҳисоботда қайд этилишича, дунёдаги энг бой инсон Илон Маск атиги тўрт сония ичида дунёдаги ўртача йиллик даромадга тенг маблағ ишлаб топади.
Шу билан бирга, инсониятнинг деярли ярми қашшоқликда яшамоқда ва уларнинг улушига жаҳон бойлигининг атиги 0,52 фоизи тўғри келади. Энг бой бир фоиз аҳоли эса глобал бойликнинг 43,8 фоизига эгалик қилади.
Oxfam Германия бўлими раҳбари Шарлотта Бекер миллиардерларнинг иқтисодий қудрати сиёсий таъсирга айланиб бораётгани демократия учун хавф туғдираётганини таъкидлади.
Шунингдек, ташкилот ўта бой инсонларни Германияда ҳам, глобал миқёсда ҳам янада қатъийроқ солиққа тортиш зарурлигини билдирди.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Эрон Starlinkни блоклашга муваффақ бўлди
