«Реал» ярим ҳимояни кучайтириши мумкин бўлган 6 нафар футболчидан иборат шорт-лист тузиб чиқди

Мадриднинг «Реал» клуби марказий ярим ҳимоя чизиғини кучайтириш учун номзодлар рўйхатини (шорт-лист) шакллантирди. Ушбу рўйхатдан олти нафар футболчи жой олди.

Энг асосий номзод — «Пари Сен-Жермен» аъзоси Витинья. Ундан кейинги ўринларни устуворлик тартибида «Манчестер Сити»дан Родри ва «Челси» ярим ҳимоячиси Энцо Фернандес эгаллаб турибди. Заҳира вариантлари сифатида эса Алексис Макаллистер («Ливерпуль»), Адам Уортон («Кристал Пэлас») ва Кис Смит («Алкмар») кўриб чиқилмоқда.

Қайд этилишича, «Реал» Витинья учун катта миқдорда маблағ сарфлашга тайёр. Бироқ португалиялик футболчини «ПСЖ»дан сотиб олиш ўта мураккаб вазифа бўлиши кутилмоқда.