Гвардиола Абдуқодир Ҳусановга қойил қолди

"Манчестер Сити" бош мураббийи Пеп Гвардиола "Ливерпуль"га қарши ғалабали (2:1) ўйиндан сўнг Абдуқодир Ҳусанов ҳақида фикр билдирди.

21 ёшли ҳамюртимиз асосий таркибда майдонга тушди ва Доннарумма билан тўқнашиб кетгани учун 61-дақиқада захирага олинди.

«Абдуқодир Ҳусанов... Унинг «Энфилд»даги илк ўйини. Ўзбекистондан келиб, Францияда атиги олти ой яшаб, бу ерда — Салоҳ ва Экитикеларга қарши майдонга тушди... У қандай ўйин ўтказди, бу йигитга қойил!", - деди испаниялик мутахассис.