"Реал"нинг ишонган тоғи операция қилиниши мумкин

Мадриднинг “Реал” клуби раҳбарияти Жуд Беллингемнинг елкасида операция қилиш масаласини муҳокама қилди.

Ярим ҳимоячи 5 ноябрь куни “Райо Вальекано” билан ўйинда (0:0) дислокацияга учради. The Athletic'нинг клубдаги манбалари жарроҳлик амалиёти муаммони ҳал қилиши мумкинлигига ишонишади, гарчи дастлабки вариант консерватив даво бўлса-да.

"Эртами кечми" футболчи жарроҳлик амалиётидан ўтиши керак бўлади, аммо кутиш "бир кун, бир ҳафта, мавсум ёки ундан кўпроқ" бўлиши мумкин. Ҳаммаси инглизнинг оғриқларга қанчалик дош беришга тайёрлигига боғлиқ бўлади.

Доктор Сантяго Арауз, Мадриддаги Clinica Cemtro'нинг елка бўлими бошлиғи, бир марта елкасини чиқариб юборган ҳар қандай одамнинг қайталаниш хавфи борлигини ва жабрланувчи қанчалик ёш бўлса, муаммонинг яна пайдо бўлиш эҳтимоли шунчалик юқори эканлигини таъкидлади. 16 ёшлилар учун бу 90% ни ташкил қилади. Беллингем 20 ёшда.

Араузнинг прогнозларига кўра, операциядан кейин тикланиш камида икки ой давом этади, аммо қисқа вақт ичида тўлиқ шифо бўлмайди.