«Реал Мадрид» яна икки футболчисини узоқ вақтга йўқотди

Родриго ва Лукас Васкеснинг тикланиш муддатига аниқлик киритилди.

Клуб расмий хабарларига кўра, «Реал Мадрид»нинг ҳар икки футболчисига Ла Лига доирасида «Осасуна»га қарши ўйиндан кейин (4:0) мушаклари жароҳати аниқланган.

Бразилиялик вингер чап оёғининг тўғри сон суяги мушакларидан жароҳат олди. Испаниялик ҳимоячининг чап оёқ мушаклари шикастланган. Тиббий гуруҳ кейинги ҳафталарда тикланишнинг аниқ вақтини аниқлаш учун тараққиётни баҳолайди.

Айни дамда Васкес тахминан бир ой майдонга туша олмайди, Родригога эса қайтиш учун 5-6 ҳафта керак бўлади.