"Реал Мадрид" "Бавария" футболчисини текинга қўлга киритмоқчи

"Реал" Дайо Упамеканога қизиқиш билдирмоқда.

Bild хабарига кўра, Мадрид клуби "Бавария" ҳимоячиси билан келаси йили бепул трансфер бўйича музокаралар олиб бормоқда. Футболчининг мюнхенликлар билан шартномаси 2026 йилнинг ёзида ўз ниҳоясига етади.

"Бавария" ва Упамекано 6 ойдан ортиқ вақтдан бери келишувни узайтириш бўйича музокаралар олиб бормоқда, аммо ҳамкорликнинг молиявий қисми бўйича ҳалигача келишиб олишмаган. Ҳозирда футболчи йилига 16 миллион еврогача маош олади, бироқ унинг маоши оширилишини истамоқда.

Дайо Бундеслиганинг ўтган мавсумида 20 та ўйинда майдонга тушиб, 2 та гол урган.