"Реал Мадрид" асосий ҳимоячисини қанча вақтга йўқотгани маълум бўлди

"Реал Мадрид" Ла Лига 22-тури доирасида сафарда "Эспаньол"га қарши баҳс олиб борди.

"Реал" марказий ҳимоячиси Антонио Рюдигер ушбу баҳснинг бошида жароҳат олиб, ўйинни давом эттира олмади. Натижада, 15-дақиқада унинг ўрнини Рауль Асенсио эгаллади.

Германияликда ўнг оёқ сон мушакларининг шикастланиши аниқланган. Тиббий текширув натижаларига кўра, Рюдигер камида 3 ҳафтага сафдан чиққани маълум бўлди.

Эслатиб ўтамиз, энди Рюдигер ЕЧЛ плей-офф доирасида "Манчестер Сити"га қарши ўйинларда жамоасига ёрдам бера олмайди.