Таиланд Бош вазири ва ички ишлар вазири Анутҳин Чанвиракун мамлакатда қонунбузарлик содир этаётган чет элликларга нисбатан чораларни кучайтириш зарурлигини айтди. У чет элликларга Таиландда хусусий қабристон ва диний муассасаларни рухсатсиз ташкил этмасликни тавсия қилди.
"Яқинда хорижликлар хусусий қабристон ташкил этиш бўйича сўров берганидан хабар топдим. Бу энди ҳаддан ошиб кетди. Сизларга Таиландга келишга рухсат берганимиз учун миннатдор бўлишингиз керак. Агар ўладиган бўлсангиз, ўз юртингизга бориб ўлинг. Бу ерда ўлишингизнинг кераги йўқ. Бизни эксплуатация қилишга уринманг", деди Анутхин Чанвиракун.
У Таиланд провинциялари раҳбарларини хорижликларнинг ноқонуний фаолияти ва маҳаллий анъаналар ҳамда халққа нисбатан ҳурматсизликка чек қўйишга чақирди.
Анутҳин, шунингдек, чет элликлар Таиланд ҳокимиятининг рухсатисиз диний муассаса ташкил этмаслиги кераклигини айтди. У ҳатто ресторан очиш учун олинган лицензиядан фойдаланиб, амалда ибодатхона ташкил этиш ҳам мумкин эмаслигини таъкидлади.
Муҳожирлар кетмоқда — Москва эса қайтишга чақирмоқда
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
