"НАТОнинг 5-моддаси қўлланилса ҳам, Словакия урушга қўшилмайди!"

Словакия Бош вазири Роберт Фицо Европада эшитилаётган "жанговар риторика"дан хавотирда эканлигини ва ўз мамлакатининг НАТОнинг 5-моддаси бўйича ҳарбий можарога аралашишини истамаслигини айтди. "Мен Словакия қандайдир 5-модда туфайли ҳарбий можаронинг бир қисми бўлишини хоҳламайман. Ҳа, биз НАТО аъзоларимиз, биз буни ҳурмат қиламиз, ҳамкорлик ва мажбуриятларимизни бажариш ҳақида қайғурамиз, лекин Бош вазир сифатида мен Словакия ҳеч қачон ҳарбий можарога тортилмаслиги учун ҳамма нарсани қиламан", деди у. Шу билан бирга, Словакия бош вазири ўз мамлакатининг ҳарбий ҳаракатларда иштирок этишидан қочиш учун барча саъй-ҳаракатларни амалга оширишга ваъда берди. Словакия ҳукумати раҳбарининг сўзларига кўра, бугунги кунда Европадаги вазият ҳар қачонгидан ҳам кескинлашган. Умумевропа можаросининг келиб чиқиш эҳтимоли ҳозир жуда катта. Фицонинг фикрича, бугунги кунда Европадаги баъзи кучлар Россия Федерацияси ва Шимолий Атлантика иттифоқи ўртасида кенг кўламли ҳарбий ҳаракатлар бошланиши учун энг кичик баҳона изламоқда: НАТО ва Россия ўртасида катта можаро учун баҳона қидирилмоқда, деб хавотирдаман, деди Фицо.