Ле Пен Учинчи жаҳон уруши ҳақида огоҳлантирди

НАТО тўғридан-тўғри аралашса, Украинадаги можаро жаҳон урушига айланиб кетиши мумкин. Франция Миллий мажлисидаги “Миллий бирлашиш” партияси фракцияси раҳбари Марин Ле Пен шундай фикрда.

“Ёки НАТО бу можарога аралашади ва ўшанда Учинчи жаҳон уруши бошланади, ёки биз юз йиллик уруш гувоҳига айланамиз”, - дея унинг сўзларидан иқтибос келтирди РИА Новости.

Франциялик сиёсатчи, шунингдек, можарони бартараф этиш йўлларини излаш учун юқори даражадаги халқаро конференция ўтказиш зарурлигини таъкидлади

Унинг сўзларига кўра, у Россия президенти Владимир Путин ва Владимир Зеленский билан вазиятни шахсан муҳокама қилишни ҳамда музокараларга бошқа мамлакатлар вакилларини ҳам жалб этишни истайди.