«Реал» «Ливерпуль» футболчиси учун ўз ярим ҳимоя юлдузини таклиф қилмоқда

"Ливерпуль" ярим ҳимоячиси Доминик Собослаи "Реал" қизиқишлари доирасига тушиб қолди. Бу ҳақда "Topskills Sport UK" нашри хабар бермоқда.

Манбанинг маълумотига кўра, Мадрид клуби венгриялик футболчининг агенти билан дастлабки музокараларни бошлаган. Келишув доирасида "қаймоқранглилар" "қизиллар"га ўз ярим ҳимоячиси Эдуардо Камавингани таклиф қилишга тайёр.

Қайд этилишича, "Ливерпуль" Собослаини қўйиб юборишни истамаяпти ва уни фақат 160 миллион евро эвазига сотишга рози бўлиши мумкин. Футболчининг ўзи эса ҳафтасига 350 000 евро миқдорида иш ҳақи олмоқчи.