"Реал" "Атлетико"ни мағлуб этди ва Испания Суперкубоги финалида "Барселона" билан тўқнаш келади

"Реал" "Атлетико"дан устун келди ва Испания Суперкубоги финалига йўл олди. "Реал" Испания Суперкубоги ярим финалида "Атлетико"ни мағлуб этди - 2:1.

Ўйин Саудия Арабистонидаги "King Abdullah Sports City" стадионида бўлиб ўтди.

"Қаймоқранглилар" иккинчи дақиқадаёқ Федерико Вальверденинг голи эвазига ҳисобда олдинга чиқиб олди. 55-дақиқада Вальверденинг узатмасидан сўнг "Реал"нинг иккинчи голига Родриго муаллифлик қилди.

"Атлетико"нинг ягона голига 58-дақиқада Александр Серлот муаллифлик қилди.

"Реал" Испания Суперкубоги финалига чиқди ва у ерда ярим финалда "Атлетик"ни йирик ҳисобда мағлуб этган "Барселона"га қарши ўйнайди.