АҚШ ракета захиралари етишмайди(ми)?

Европа Иттифоқи АҚШ ракета захиралари етишмаслигидан хавотир билдирди, Пентагон буни рад этди.

Еврокомиссия мудофаа ва ҳамкорлик масалалари бўйича комиссари Андрюс Кубилюс 6 март куни Вашингтонга АҚШнинг Эронга қарши уруши давомида иттифоқчиларга етарли миқдорда ракета етказиб бера олмаслигини таъкидлади.

Кубилюснинг сўзларига кўра, америкалик ҳарбийлар бир вақтда ўз армияси, Форс кўрфази мамлакатлари ва Украина эҳтиёжларини қондиришга мажбур бўлади.

Кубилюс Америка ракеталарини етарлича етказиб бериш имконияти чекланганини таъкидлади. Бу хавотир Европа Иттифоқи давлатлари учун муҳим, чунки улар ҳам ҳимоя воситаларига муҳтож.

Шу билан бирга, АҚШ мудофаа вазири Пит Ҳегсет Қўшма Штатларда ўқ-дорилар етарли эканини ва Америка ўз ҳужумкор ҳамда мудофаа амалиётларини амалга ошириш учун зарур захираларга эгалигини маълум қилди.

“Эрон раҳбарияти АҚШ мамлакатдаги амалиётни узоқ вақт қўллаб-қувватлай олмайди, деб ҳисобласа, жиддий хатога йўл қўйган бўлади”, — деди Ҳегсет.