Ингушетия раҳбари Юнус-Бек Евкуров Инстаграмдаги саҳифаси орқали Рамазон муносабати билан бозорларда озиқ-овқат нархлари пасайтирилишини маълум қилди.
Нархларни пасайтириш учун Рамазон давомида тадбиркорлардан ижара ҳақи ундирилмай турилади. Агар тадбиркорлардан кимдир жорий ой учун ижара ҳақини тўлаган бўлса, пули тўлиқ қайтариб берилади.
Юнус-Бек Евкуров бу борада мамлакатдаги барча бозорлар директорларига кўрсатма берилганини билдирди. Унинг айтишича, бозорлардаги нархлар мониторинг қилиб борилади, айниқса, байрам арафасида нархларнинг асоссиз кўтарилмаслиги текширилади.