Қозоғистон Бош прокурори Берик Aсилов январь ойидаги тартибсизликларда қайси чет давлат фуқаролари ҳам қатнашганини маълум қилди. Бу ҳақда Tengrinews.kz ёзмоқда.
"Оммавий тартибсизликларда ва бошқа жиноятларда иштирок этганликда гумонланувчи сифатида хорижликлар ҳам аниқланган. Улар орасида Ўзбекистон, Россия, Қирғизистон ва Тожикистон фуқаролари ҳам бор", — деди Aсилов.
Унинг таъкидлашича, ҳибсга олинганлар орасида бузғунчи диний оқимларнинг саккиз нафар тарафдори ҳам бор.
Маълумот учун, бугун, 5 январь куни Қозоғистон бош прокурори Берик Асилов ва ички ишлар вазири Марат Ахметжанов қуйи палатада январ воқеалари юзасидан суриштирувнинг бориши ҳақида ҳисобот бермоқда.
