Интернетда Тараздаги портлаш жойидан олинган фотосуратлар ва видеолар пайдо бўлди, деб ёзади Tengrinews.kz.
26 август куни Жамбил вилояти Байзоқ туманида жойлашган ҳарбий қисмда, соат 19:00 атрофида, омборлардан бирининг ёнида ёнғин содир бўлган. Ёнғин натижасида номаълум объектларнинг кетма-кет портлашлари содир бўлди. Ҳаммаси бўлиб 10 га яқин портлаш содир бўлди.
Охирги маълумотларга кўра, портлашлар оқибатида 12 киши ҳалок бўлган, 90 га яқин одам жароҳатланган.