Олмаота вилоятида бедарак йўқолган вертолётнинг бир қисми ва бир экипаж аъзосининг жасади топилган.
Мутахассислар сунъий йўлдош маълумотлари ва математик ҳисоб-китоблардан фойдаланиб, вертолёт бўлиши мумкин бўлган ҳудудни аниқлаган.
Белгиланган ҳудудга қидирув гуруҳлари ва махсус техникалар жўнатилди. Тахминан 14 метр чуқурликда ҳаво кемасининг айрим қисмлари ва жасад топилгани ҳақида Мудофаа вазирлиги матбуот хизмати хабар берди. "Ҳозирда шахсни аниқлаш ишлари олиб борилмоқда", дейилади хабарла.
Эслатиб ўтамиз, EC-145 вертолёти 25 июль куни бедарак йўқолган, унинг бортида эса 3 нафар экипаж аъзоси бўлган.
