Қозоғистоннинг Манғистау вилоятида Каспий денгизи соҳилида бўлиб ўтаётган «Бирлестик-2024» ҳарбий машғулотлари асосий босқичга кирди. Озарбайжон, Қозоғистон, Қирғизистон, Тожикистон ва Ўзбекистон армия контингентлари энг юқори жанговар шай ҳолатга келтирилди, деб хабар бермоқда Қозоғистон Мудофаа вазирлиги.
Эслатиб ўтамиз, машғулотлар Оймаша полигонида ва Тўқмоқ бурнида бўлиб ўтмоқда. Машқнинг мақсади «қуролли можаролар зонасини аниқлаш йўналиши бўйича жанговар тайёргарлик вазифаларини бажариш»дир.
Машғулотларда бирлашган қуролли танк бўлинмалари ва махсус кучлар бўлинмалари, ҳарбий авиация ва денгизда маневрлар ҳам ўтказилади.