Қозоғистон миллий терма жамоаси бош мураббийи вазифасини бажарувчи Али Алиев "Қайрат" клубининг 16 ёшли тарбияланувчиси Дастан Сатпаевнинг Лондоннинг "Челси" клубига ўтиши ҳақида фикр билдирди.
"Дастан ўзининг жисмоний имкониятлари ва генетикаси билан Европа стандартларига мос келадиган атлет бўлиб, тўғри ёндашув билан ундан юқори даражадаги футболчи етиштириш мумкин. Дастан Қозоғистон фуқаролигига эга бўлгани учун ҳозирча халқаро майдонда етарлича эътибор қозонмаган, аммо келажакда у "Реал Мадрид"нинг турк футболчиси Арда Гюлер ва бразилиялик Эндрик каби ўйинчилар билан рақобатлаша олади" - деди Алиев.
Маълумот учун, Дастан Сатпаев "Челси"га 4,3 миллион евро эвазига ўтди ва бу Қозоғистон футболи тарихидаги энг қиммат трансфер бўлди.
Россияда доллар нархи кескин тушиб кетди
Машина сотиб олиш янада осонлашади
Миллий гвардияга янги ваколат бугундан берилди
