Қорақалпоғистондаги фалокатда «Халқ сўзи» мухбиридан ташқари яна 3 киши ҳалок бўлган

Қорақалпоғистонда содир бўлган автоҳалокат натижасида тўрт киши, жумладан «Халқ сўзи» мухбири Саиджон Махсумов вафот этди.

Қайд қилинишича, Нукусдан Тошкент қайтаётган транспорт Тупроққалъа ҳудудида бошқарувини йўқотиб юк машинасига бориб урилиши натижасида тўрт нафар фуқаро, ҳайдовчи ва уч нафар йўловчи ҳалок бўлган. Уларнинг орасида 36 ёшли журналист Саиджон Махсумов ҳам бўлган.

Айтишларича, Махсумов қайтишидан бир-икки кун муқаддам самолётда Тошкентга қайтиш истагида чипта қидириб ҳамкасбларига, танишларига мурожаат қилган. 21 сентябргача Тошкентга Нукусдан чипта бўлмаган. Фестивални ташкил қилган вазирлик нега журналистларнинг бориш-келишини ташкиллаштириб бермагани бизга қоронғи...