“Қишлоқ қурилиш банк”ига тегишли бўлган “Perfect Insurance” суғурта компанияси сотилди. Харид қилувчи — “Insurance 888” компанияси. Маълумотлар Корпоратив ахборат ягона порталига жойлаштирилган.
“Perfect Insurance” суғурта компаниясини сотиш қарори банк кузатув кенгаши томонидан 2023 йил, 24 мартида қабул қилинган.
Банк декабрь ойида компаниянинг 100 фоиз акциялари учун 51,97 млрд сўм нарх қўйган бўлиб, акцияларнинг бир донаси нархи 7 371 сўмни ташкил қилган.
Ушбу суғурта компаниясини сотиб олган “Insurance 888” компанияси 10 млн сўм устав капиталига эга ва икки ой олдин 1 февралда ташкил қилинган (эҳтимол, айнан “Perfect Insurance”ни сотиб олиш учун).
“Perfect Insurance” “Қишлоқ қурилиш банк” томонида 2019 йилда ташкил қилинган ва 2022 йил бошида акциядорлик жамиятига айлантирилган.
