Аввал хабар берганимиздек, Қирғизистон парламенти интернетдаги порно сайтларга киришни тақиқлаш бўйича қонун лойиҳасини кўриб чиқмоқда. Бу масала бўйича баҳс-мунозаралар анча қизғин кечмоқда. Ҳозирда тақиқ ҳақидаги таклиф парламентда биринчи ўқишда маъқулланди, бироқ қонун лойиҳасига айрим ўзгартириш ва қўшимчалар киритилиши кутилмоқда.
Масалан, депутат Аккуулу Бердиевнинг таъкидлашича, порнография туфайли мамлакатда туғилиш даражаси пасайган. Депутат Марлен Маматалиев эса порно контент халқ қадриятларига зид экани ва мамлакат келажагига зарар етказишини билдирди. Бироқ порно сайтларга киришни чеклаш тарафдори бўлган бошқа бир депутат — Исҳақ Масалиев аксинча, порнография демографияни оширади деган фикрни илгари сурди.
Мутахассислар эса бир фикрга келишган: агар кенг кўламли тарбия ишлари ва тўғри қадриятларни шакллантириш бўйича ташаббуслар амалга оширилмаса, фақатгина тақиқлар билан порнография муаммосини ҳал қилиб бўлмайди.
Элдор Шомуродов янги жамоасининг таклифини қабул қилди
Германия канцлери: Исроилнинг “ифлос иши” ҳақидаги фикримдан афсусланмайман
АҚШ Эронга фикридан воз кечиши учун 30 млрд доллар бермоқчи
