Қирғизистонда 2010-2012 йилларда муфтийлик қилган ҳамда дин соҳада кўп йиллар хизмат қилган Ислом уламоларидан бири Чубак ҳожи Жалилов пневмониядан вафот этди.
Эндигина 45 ёшга тўлган олимнинг вафоти муносабати билан Ўзбекистон мусулмонлари номидан ҳам яқинларига чуқур таъзия билдирилди.
“Қардошларимизнинг ушбу улкан қайғу ва йўқотишларига шерик бўлган ҳолда, Аллоҳ таолодан уларга сабр-бардош тилаймиз. Зеро, Қуръони каримда: «…Албатта, биз Аллоҳнинг ихтиёридамиз ва албатта, биз Унинг ҳузурига қайтувчилармиз…» (Бақара, 156) дейилган” -дейилади Мусулмонлар идораси таъзиясида.