Бугун 17 ноябрь, 2026 йил, сешанба

O'ZB

Қирғизистон президенти Россияга ишчи ташриф билан боради

Қирғизистон президенти Россияга ишчи ташриф билан боради

Қирғизистон президенти Садир Жапаров 10–11 ноябрь кунлари ишчи ташриф билан Россияда бўлади. Бу ҳақда давлат раҳбари матбуот хизмати хабар берди.

Ташриф доирасида Жапаров Москвада ўтказиладиган Коллектив хавфсизлик шартномаси ташкилоти (КХШТ) Коллектив хавфсизлик кенгаши йиғилишида иштирок этади.

Саммитда ташкилотга аъзо давлатлар раҳбарлари халқаро ва минтақавий хавфсизликка оид долзарб масалаларни, КХШТнинг сўнгги даврдаги фаолияти натижаларини ҳамда ҳамкорликни янада мустаҳкамлаш чораларини муҳокама қилади.

Асосий эътибор терроризм ва экстремизмга қарши кураш, биологик хавфсизликни таъминлаш ҳамда аъзо мамлакатлар ўртасидаги ўзаро ҳамкорликни такомиллаштиришга қаратилади.

Йиғилиш якунида бир қатор ҳужжатлар, жумладан, КХШТ Коллектив хавфсизлик кенгаши декларациясини имзолаш режалаштирилган.

Шунингдек, Коллектив хавфсизлик шартномаси имзоланганининг 35 йиллиги ва КХШТ ташкил этилганининг 25 йиллигига бағишланган тадбирлар режаси тасдиқланиши кутилмоқда.

Киритилди: 12:13 10.11.2026. Ўқилди: 723 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда