Қиммат эмас: iPhone 12 Pro'нинг ҳақиқий нархи маълум бўлди

 iPhone 12 Pro компонентларининг нархи 400 доллардан сал кўпроқ. Бу ҳақда Nikkei нашри хабар берди.

Мутахассислар Apple компанияси флагман смартфонининг барча таркибий қисмларини ўрганиб чиқиб,  iPhone 12 Pro'нинг қўшимча нархларисиз ҳақиқий нархи 406 долларни ташкил этишини аниқладилар. Смартфонни ишлаб чиқаришда Жанубий Корея етказиб берувчилари катта рол ўйнади – осиёлик ҳамкорларнинг компонентлари нархи умумий улушнинг 26,8 фоизини ташкил этди. Журналистлар ушбу улуш  iPhone 11'га қараганда юқори эканлигини пайқашди.

Маълумотларга кўра, янги  iPhone'нинг энг қиммат компоненти OLED дисплейи бўлиб, экранларни Жанубий Кореянинг Samsung Display ва LG Display компаниялари етказиб беради. 

Журналистлар томонидан 406 долларга баҳоланган  iPhone 12 Pro'ни камида 999 долларга сотиб олиш мумкин.