НАТО бош котиби ҳам Шимолий Корея қўшинлари Россияга юборилганини элон қилди.
НАТО Бош котиби Марк Рютте душанба куни матбуот анжуманида Россияда Шимолий Корея қўшинлари борлигини айтди.
«Бугун мен Шимолий Корея қўшинлари Россияга юборилганини, Шимолий Корея ҳарбий бўлинмалари эса Курск вилоятига жойлаштирилганини тасдиқлашим мумкин», — деди Рютте журналистларга. Украина кучлари август ойида йирик ҳужумни бошлаган ва Россия жанубидаги ҳудудларни эгаллаб олган эди.
Шимолий Корея қўшинларининг у ерга жойлаштирилиши Пхеняннинг можародаги иштирокининг «сезиларли кучайганини» ифодалайди ва «Россия урушининг хавфли кенгайишини» кўрсатади, дея қўшимча қилди Рютте.
«Россия ва Шимолий Корея ўртасидаги чуқурлашиб бораётган ҳарбий ҳамкорлик Ҳинд-Тинч океани ва Евро-Атлантика хавфсизлигига таҳдиддир», деди Рютте.
Рютте, шунингдек, Россиянинг жанг майдонидаги йўқотишларига ишора қилиб, бу Россия президенти Владимир Путиннинг «ноиложсизлиги кучайиб бораётгани» белгиси эканлигини айтди.
«Путин урушида 600 000 дан ортиқ россиялик аскарлар ҳалок бўлди ёки яраланди ва у Украинага бўлган ҳужумини чет эл ёрдамисиз ушлаб тура олмаяпти», деди Рютте.
Россия ташқи ишлар вазири Сергей Лавров, Москва ва Пхенян охирги марта июнь ойида имзолаган хавфсизлик бўйича қўшма битимга эътибор қаратиб, Рюттенинг сўзларига елка қисиб қўйди.
Лавров шимолий кореялик аскарларнинг Россияда эканлигини тасдиқламади.
