АҚШ президенти Air Force one самолёти бортида журналистлар билан суҳбатда Россия президентига ишонишини ва унинг тўғри йўл тутиб, тинчлик келишувини имзолашини билдирди.
"Мен Путин ўз сўзидан қайтади деб ўйламайман. Уни анчадан бери танийман. Биз ҳар доим яхши чиқишиб келганмиз", — деди Трамп.
Шу билан бирга, у Путиннинг Украинада БМТнинг вақтинчалик бошқарувини жорий этиш ғоясини қўллаб-қувватламаслигини ҳам билдирди.
"Путин охирги бир-икки кун ичида айтган баъзи гаплар Украина президенти билан боғлиқ. Путин Зеленскийни ишончли деб ҳисобламаса ҳам, барибир у билан келишувга эришиши керак", — дея фикр билдирди Қўшма Штатлар етакчиси.
Шунингдек, Трамп NBC телеканалининг Оқ уй Россияга тинчлик битимини имзолаш учун бир ой муҳлат бергани ҳақидаги хабарларини ҳам рад этди. У Путин учун аниқ бир муддат белгиланмаганини таъкидлади.
"Бу психологик муддат. Агар мен уларнинг фақат вақтни чўзаётганини билсам, бу менга ёқмайди", — дея қўшимча қилди АҚШ етакчиси.
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
