Путин учун фожиа: Украинанинг вайронкор зарбаси натижасида "Россия қўшинларининг бутун қўмондонлиги йўқ қилинди"

Ҳужум Покровскни эгаллашга уринаётган Путиннинг шарқий армиясига катта зарба берди.

Украина ўта кучли ракета зарбасида Россиянинг 35-бригадаси қўмондонлигини бутунлай йўқ қилгани хабар қилинмоқда.

Ҳужум бригаданинг шарқий Селйдове шаҳридаги штаб-квартирасига HIMARS ракеталари ёрдамида амалга оширилди.

Шаҳар ўтган йил октябрь ойида руслар томонидан босиб олинган бўлиб, стратегик аҳамиятга эга Покровск шаҳридан атиги 18 километр шимоли-ғарбда жойлашган.

Ҳужум штаб жойлашган бинога яқин парвоз қилаётган Украина дронлари томонидан тасвирга олинган.

Ижтимоий тармоқларда эълон қилинган видеода ракеталар зарбасидан сўнг бинодан улкан олов тўпи кўтарилгани кўрсатилган.

Шундан кейин бригада қўмондонлиги жойлашган вайрон бўлган бинодан қалин қора тутун осмонга кўтарилди.

Кейинроқ россиялик ҳарбий блогерлар ҳужумда бригада қўмондонлиги ҳалок бўлганини таъкидлашди.