Путин Тўқаевнинг отасини "СССР Қаҳрамони" унвони билан тақдирлади (видео)

Россия президенти Владимир Путин Қозоғистон раҳбари Қосим-Жомарт Тўқаевга отасига Совет Иттифоқи Қаҳрамони унвонини бериш учун мукофот варақасини топширди.

"Мен сизга мукофот варақасини бермоқчиман. Бу сизнинг отангиз СССР Қаҳрамони ордени билан тақдирланганлигини тасдиқловчи ҳужжат", - деди Путин.

У Ғалаба куни собиқ СССР халқларида деярли ҳар бир оила учун байрам эканлигини эслатди.

Тўқаев ҳужжат топширилгани учун миннатдорчилик билдирди ва бу ташаббусдан таъсирланганини тан олди. У Путинни ва бутун Россия халқини Ғалаба куни билан табриклади.

"Қўшимча қилмоқчиманки, амаким шу ерда, унча узоқ бўлмаган жойда, Ржев туманида, Ржевда дафн этилган. Мен унинг қабрини 2009 йилда топганман, у оммавий қабрга дафн этилган", - дея қўшимча қилди Қозоғистон президенти.

6 май куни Россия Мудофаа вазирлиги Қозоғистон президенти Қосим-Жомарт Тўқаевнинг отаси Кемел Тўқаевнинг ҳарбий жасорати ҳақидаги архив ҳужжатини сирини эълон қилди. Мукофот варақасидан кўриниб турибдики, аскар 1945 йил январь ойида Польшада кўрсатган жасорати ва қаҳрамонлиги учун 2-даражали Ватан уруши ордени билан тақдирланган.